تهيسة

انا بافتح البلوج بدري وارش شوية مياه عشان ربنا يكرمنا في اول السنة الجديدة . يا فتاح يا عليم يا رزاق يا كريم يجعل استفتحنا نادي بالصلاة علي النبي
فيه ناس بنقابلهم ونحس اننا نعرفهم او شوفنهم قبل كدة نحس ان ملامحهم صفحة معروفة في الذاكرة ..... بيحصل ؟ بيحصل . فيه ناس تانية لما نشوفهم نتذكر علي الفور ابطال عرفنهم من خلال اعمال روائية مثلا يعني ادهم صبري بطل سلسلة رجل المستحيل كنت وانا في ثانوي فيه شخص بيقابلني كل يوم في نفس المكان تقريبا و كل يوم كان يتأكدلي اكتر ان لو ادهم عايش لازم يكون هو الراجل ده الجسم الرياضي الطول المتوسط الشعر اسمر نفس الملامح التي كانت ترسم مصاحبة للقصص .عادي . يمكن يكون هو ده السبب لكن انا كنت بحس بروح ادهم في هذا الشخص ايضا قدري زميل ادهم في نفس القصص صاحب الاصابع الذهبية والشهية المفتوحة لم اكن اتخيل قدري اي شخص في مصر سوي المبدع الراحل صلاح جاهين مهم تقول هو عندي صلاح جاهين واخير عشان تكمل تعرفوا رأيت مين في السنين الاخيرة . لا مش سونيا جرهام انها مني حبيبة ادهم من اول مرة شوفتها قولت دي مني وليس احد سوها .بخجلها ودموعها بمحاولتها استفزاز من امامها بتورد خدودها حياء بشعرها الاسود الفاحم بعينيها السود المصرية الجميلة .ارها كل يوم في التلفزيون انها مني الشاذلي في العاشرة مساء واللي مش مصدقني يجيب الرويات ويشوف الملامح والتصرفات وردود الافعال عشان تصدقوني
لم اكن لاكتب هذا الخاطر لولا اقترح صديقي الدريني بكتابته عندما حكيت له وتأكيده لي ان هناك شخصية كلما رأها تذكره بشايلوك اليهودي في تاجر البندقية .............. بس خلاص
لا لسه لازم ابارك للدريني وحربية والهوراي وعلاء وابراهيم علي راديو تيت ودعوة الكل الي الاستماع اليها وان شاءالله الناس السنة الجاية تمشي في الشارع تقول تيت تيت ..................زمالك